Բրիտանական Reuters լրատվական գործակալության փոխանցմամբ՝ ԱՄՆ նախագահի խորհրդական Բեն Ռհոդսը լրագրողների հետ կանոնավոր ճեպազրույցում հայտարարել է, որ Ռուսաստանի կողմից Իրանին S-300 զենիթահրթիռային համալիրների մատակարարումը չի խախտում ՄԱԿ-ի որևէ համաձայնագիր, քանի որ դրանք պաշտպանական համակարգ են։
Նա հավելել է, որ ԱՄՆ-ին մտահոգում է իրանական բանակի ամրապնդումը, բայց քանի որ խոսքը պաշտպանական սպառազինության մասին է, այն չի ներկայացնում սպառնալիք։
Նրա խոսքերով՝ շատ ավելի կարևոր է, որ Իրանը պահպանի միջուկային գործարքի շրջանակներում իր պարտավորությունները։ Մինչ այդ հաղորդվել էր, որ Ռուսաստանից Իրանին S-300 զենիթահրթիռային համալիրների մատակարարումը կավարտվի մինչև տարեվերջ։
