Անվտանգության թեման լայն իմաստով պետք է դառնա կենտրոնական ԵՄ-ում՝ ուրբաթ հայտարարել է Գերմանիայի կանցլեր Անգելա Մերկելը Վարշավայում «Վիշեգրադյան խմբի» առաջնորդների հետ համատեղ մամլո ասուլիսում՝ հայտնում է Phoenix հեռուստաալիքը։
«Ես միանում եմ նախորդ բանախոսների ելույթներին և ընդգծում, որ անվտանգության թեման լայն իմաստով պետք է ունենա կենտրոնական նշանակություն։ Արտաքին անվտանգություն՝ պաշտպանության նպատակով. այստեղ մենք կարող ենք ավելին անել, նաև Լիսաբոնյան պայմանագիրն է մեզ հիմք տալիս ավելի շատ ակցիաների ծրագրման համար»,- ասել է Մերկելը։
Կանցլերը նաև անդրադարձել է ԵՄ ներքին անվտանգության թեմային։
Այստեղ խոսքը ոչ միայն ահաբեկչության դեմ պայքարի մասին է. այստեղ կան մեծաթիվ նախագծեր, որոնք, ցավոք, չեն իրականացվել ԵՄ-ում երկար տարիներ։ Ես նկատի ունեմ շենգենյան գոտուց մուտք ու ելք անող անձանց ռեգիստրի նման որևէ բան»,- նշել է նա։