«Առաջին լրատվական»-ի հետ զրույցում հուլիսի 19-ին Սարի թաղի գործով կալանավորված Էդգար Զեյթունյանի կինը՝ Լալա Բերնացյանը նշեց. «Կանչեցին ոչ թե կալանավորելու, այլ ասացին՝ մի քանի բան կա խոսելու, նորից հետ կգնաս… Հրավիրեցին բաժին: Ինձ զանգահարեց գիշերը ժամը 12-ից հետո Քննչական կոմիտեից քննիչ պարոն Մադոյանը, պհանջեց փաստաթղթերը և դեպքի օրվա հագուստը տանել: Հաջորդ օրը տարել եմ:
Ոստիկանները նրան ծեծել են, մինչև այսօր ձեռքը ցավում է, մատն ուռած է, փորձաքննության չեն ուղարկել… Շատ թերություններ կան այս գործում, իմ ցուցմունքը փոխել են… Հանրային պաշտպան են տրամադրել, դատապաշտպանը 500 դոլար է պահնջել, բայց չունեմ»:
Կարեն Վանոյանի կինը՝ Ն. Հայրապետյանը նշեց, որ պաշտպան չի վարձել, քանի որ հնարավորություն չունի: Նաիրա Հայրապետյանը պատմեց, որ իր ամուսինը պատահաբար է հայտնվել դեպքի վայրում՝ իջել էր պարզելու, թե երբ են գազ, լույս տալու և երբ են ճանապարհները բացվելու:
Կալանավորվածների կանաք պահանջում են. Թող անաչառ քննություն վարեն, ոչ թե քննիչը սպառնա «Կգցեմ ոտներիս տակ»:
Մանրամասները՝ տեսանյութում: