Միջազգային կազմակերպության ղեկավարը պետք է հավասարակշռված գնահատական տա: Այս մասին «Առաջին լրատվական»-ի հետ զրույցում նշեց Խոսքի ազատության պաշտպանության կոմիտեի նախագահ Աշոտ Մելիքյանը՝ անդրադառնալով ոստիկանության գործողություններին ԵԱՀԿ երևանյան գրասենյակի հայտարարությանը:
Մելիքյանը հակված է կարծելու, որ ԵԱՀԿ դեսպանը ոստիկանների աշխատանքը գնահատելիս գուցե նկատի է ունեցել, որ կրակել են զինյալների ոտքերին, ոչ թե սրտերին:
«Անհամապատասխանություն կա Սերժ Սարգսյանի և ԵԱՀԿ դեսպանի ասածների միջև. Սերժ Սարգսյանն ընդունել է, որ ոստիկանները վատ են աշխատել, և ոստիկանների փոխարեն ներողություն է խնդրել, իսկ ԵԱՀԿ դեսպանը խրախուսում է»,-նկատեց Ա. Մելիքյանը:
