Ռուսաստանը, նախագահ Վլադիմիր Պուտինի հանձնարարության համաձայն, Սիրիայի կառավարության հետ համատեղ լայնածավալ հումանիտար գործողություն է սկսում Հալեպում: RIA Novosti-ի հաղորդմամբ՝ այս մասին լրագրողներին հայտնել է Ռուսաստանի պաշտպանության նախարար Սերգեյ Շոյգուն:
«Մենք հակամարտող կողմերին բազմիցս զինադադարի կոչ ենք արել, բայց ամեն անգամ գրոհայինները խախտել են լռության ռեժիմը, գնդակոծել են բնակավայրերը, գրոհել են կառավարական զորքերի դիրքերը: Որպես հետևանք՝ Հալեպ քաղաքում և դրա արվարձաններում հումանիտար բարդ մթնոլորտ է ստաղծվել»,- նշել է նա:
Շոյգուի խոսքով՝ խաղաղ քաղաքացիների, նաև զենքը վայր դնել ցանկացող գրոհայինների համար 3 հումանիտար միջանցք կբացեն, որոնց շրջանում տաք սննդի և առաջին բուժօգնության տրամադրման կետեր կստեղծվեն:
Հաշվի առնելով, որ ԱՄՆ-ը «Ջեբհաթ ան-Նուսրայի» և Սիրիական ազատ բանակի բաժանվելու մասին տվյալներ չի տրամադրել, Հալեպի հյուսիսում Կաստելլո ուղեգծի ուղղությամբ կստեղծվի չորրորդ միջանցքը զենքով գրոհայինների անցնելու համար, հավելել է նախարարը:
«Ուզում եմ ընդգծել, որ մենք այս քայլին գնում ենք բացառապես Հալեպի բնակիչների անվտանգության ապահովման նպատակով»,- եզրափակել է նա:
