ԱՄՆ նախագահ Բարաք Օբաման հնարավոր է համարում, որ Ռուսաստանը կարող է ազդեցություն ունենալ ընտրական գործընթացի վրա։ Այդպիսի հայտարարություն է նա արել NBC News-ի եթերում։
«Ամեն ինչ հնարավոր է»,- ասել է Օբաման՝ պատասխանելով հարցին այն մասին, թե ռուսները կմիջամտե՞ն նախընտրական արշավին։
Հարցին, թե կարո՞ղ է Ռուսատանը կանգնած լինել դեմոկրատների էլեկտրոնային փոստի կոտրման հետևում, Օբաման ուղիղ պատասխան չի տվել, սակայն հիշեցրել է, որ մասնագետներրը դրանում հենց Ռուսաստանին են կասկածում։
Օբաման նաև կարծում է, որ Ռուսաստանում ավելի բարենպաստ կերպով են լուսաբանում հանրապետական Դոնալդ Թրամփի արշավը՝ պատասխանելով Թրամփի հաղթանակում Մոսկվայի ավելի հետաքրքրված լինելու վերաբերյալ իր կարծիքի մասին հարցին։