Gazeta.ru-ի փոխանցմամբ` Ուկրաինայի նախագահ Պյոտր Պորոշենկոն, Ֆրանսիայի նախագահ Ֆրանսուա Օլանդը և Գերմանիայի կանցլեր Անգելա Մերկելը հեռախոսազրույցի ընթացքում պայմանավորվել են ակտիվացնել աշխատանքը նորմանդյան և մյուս ձևաչափերում` Մինսկի համաձայնությունների կատարման համար, հայտնել է Ուկրաինայի նախագահի մամլո ծառայությունը:
Պորոշենկոն նաև խոր անհանգստություն է արտահայտել Դոնբասում իրավիճակի կտրուկ սրման և զոհերի թվի աճի կապակցությամբ:
Ընդ որում՝ Ուկրաինայի նախագահը նշել է Ռուսաստանի կողմից Մինսկի համաձայնության մշտական խախտումների մասին:
Պորոշենկոն ընդգծել է «ողջ Եվրոպայի համախմբման կարևորությունը ոչ միայն Ռուսաստանի դեմ պատժամիջոցների պահպանման, այլ նաև դրանց ուժեղացման հարցում` Դոնբասում իրավիճակի հետագա սրման դեպքում»:
«Հատուկ ուշադրութուն պետք է դարձվի Ուկրաինայի քաղաքացիների համար ԵՄ անդամ երկրների կողմից առանց վիզա ռեժիմ սահմանելու արագացմանը»,- ասված է հաղորդագրությունում:
Պորոշենկոն խորին ցավակցություն է հայտնել Օլանդին և Մերկելին` կապված նրանց երկրներում տեղի ունեցած ահաբեկչությունների հետ, այդ թվում՝ Նիսում և Մյունխենում: