Իրանական IRNA լրատվական գործակալության փոխանցմամբ՝ Իրանի Ազգային գազային ընկերության (NIOC) միջազգային հարցերով դեպարտամենտի ղեկավար Ազիզոլլահ Ռամեզանին երկուշաբթի հայտարարել է, որ Իրանը մինչև տնտեսական զարգացման վեցամյա (2016-2021 թվականներ) պլանի ավարտը կարող է Եվրոպա արտահանել տարեկան 30 միլիարդ խորանարդ մետր գազ:
Ռամեզանին ընդգծել է, որ դա վերաբերում է առաջին փուլին, և չի բացառել, որ այդ պլանի իրագործումից հետո Իրանը 2021 թվականի վերջին Եվրոպա կարտահանի տարեկան 80 միլիարդ խորանարդ մետր գազ և ևս 50 միլիարդ խորանարդ մետր գազ կարտահանի հարևան երկրներ.
«Նախագծերի օպտիմալացման դեպքում ակնկալվում է, որ արտահանման ծավալը կհասցվի մինչև 120 միլիարդ խորանարդ մետրի»: Ռամեզանին կարևորել է իրանական գազի արտահանումը դեպի Պակիստան, ինչպես նաև դեպի Իրաք, ուր մատակարարումները կսկսվեն մոտ ժամանակներս: