«Հայազն» կուսակցության վարչության անդամ Արմեն Մկրտչյանը, անդրադառնալով «Սասնա ծռեր» խմբի կողմից իրականացված գործողություններին, նշեց, որ այդ ամենը ստեղծված իրավիճակից այլ ելք չունենալու պատճառով պոռթկում էր. «Այդ առումով որևէ մեկը բարոյական իրավունք չունի այս տղաներին ահաբեկիչներ անվանելու կամ քննադատելու»:
Արմեն Մկրտչյանի կարծիքով՝ կազմակերպչական առումով քաղաքացիական շարժման մոդելը պետք է փոխվի, քանի որ պահանջները ևս քաղաքական են: Նրա խոսքով՝ Պավլիկ Մանուկյանը և ներսում գտնվող մյուս տղաները պետք է որոշեն, թե ով առաջնորդնի շարժումը:
Անդրադառնալով հարցին, թե արդյոք պայքարի բոլոր միջոցներն արդեն սպառվել էին, որ տղաները դիմեցին զինված պայքարի՝ Ա. Մկրտչյանը նշեց. «Նրանք ապստամբներ են, մարդիկ են, որոնք քաղաքացիական ապստամբության իրենց իրավունքից են օգտվել, մարդիկ են, ովքեր պատանդության մեջ գտնվող իրենց ընկերների՝ Ժիրայր Սեֆիլյանի և մյուս քաղբանտարկյանլների համար են պայքարում, քանի որ նրանք կալանավորվել են հանիրավի, այդ առումով նրանց քայլերն արդարացված են»:
Մանրամասները՝ տեսանյութում:
