RIA Novosti-ի փոխանցմամբ` ՆԱՏՕ-ի անդամ երկրների ղեկավարները որոշում են ընդունել ստեղծելու ռոտացիոն հիմունքներով չորս բազմազգ գումարտակ Մերձբալթյան երկրներում և Լեհաստանում, հայտարարել է ՆԱՏՕ-ի գլխավոր քարտուղար Յենս Սթոլթենբերգը:
«Մենք որոշել ենք ընդլայնել ռազմական ներկայությունը ՆԱՏՕ-ի արևելյան մասում` այնտեղ տեղադրելով չորս գումարտակ»,- ասել է նա լրագրողներին:
Նա ընդգծել է, որ զորքերը կտեղակայվեն ռոտացիոն հիմունքներով: Գլխավոր քարտուղարը նաև նշել է, որ զինվորներ Լատիվա կուղարկվեն Կանադայից, Լիտվա` Գերմանիայից, Էստոնիա` Մեծ Բրիտանիայից և Լեհաստան` ԱՄՆ-ից:
