ՕՊԵԿ-ը պահպանել է 2016 թվականին նավթի համաշխարհային պահանջարկի կանխատեսումը օրական 94.18 մլն բարել մակարդակի վրա։ Այս մասին ասվում է նավթ արտահանող երկրների կազմակերպության հունիսյան զեկույցում՝ փոխանցում է TASS գործակալությունը։ 2016-ին նավթի պահանջարկի աճի կանխատեսումը 2015-ի համեմատ նույնպես պահպանվել է օրական 1.2 մլն բարելի մակարդակի վրա։
ՕՊԵԿ-ի գնահատականով՝ 2015 թվականի նավթի պահանջարկը կազմել է օրական 92.98 մլն բարել, ինչը 1.54 մլն բարելով ավելի է, քան մեկ տարի առաջ։
ՕՊԵԿ-ի նավթի պահանջարկը, կազմակերպության փորձագետների կանխատեսումներով, 2016-ին կաճի օրական 1.8 մլն բարելով՝ հասնելով 31.5 մլն բարելի։
ՕՊԵԿ-ը նավթի արդյունահանումն ապրիլի համեմատ մայիսին օրական նվազեցրել է 100 հազար բարելով՝ հասցնելով 32.36 մլն բարելի։
«Նավթի արդյունահանումը հիմնականում ավելացել է Քուվեյթում, Իրանում և Սաուդյան Արաբիայում, մինչդեռ կրճատվել է Նիգերիայում, Վենեսուելայում և Իրաքում»,- ասվում է զեկույցում։
Նախնական տվյալներով՝ աշխարհում մայիսին նավթի արդյունահանման ընդհանուր ծավալը ապրիլի համեմատ օրական նվազել է 0.73 մլն բարելով՝ հասնելով 94.51 մլն բարելի:
