Միսուրիի համալսարանի մանկական հոսպիտալ են այցելել պատուհան լվացողները՝ Սուպերմենի, Սարդ-մարդու, Կապիտան Ամերիկայի և Բեթմենի հագուստներով: Այս մասին հայտնում է ABC News-ը:
Բացի պատուհան լվանալուց՝ կոմիքսների հերոսները խաղասենյակում շփվել են փոքրիկ հիվանդների հետ: Նրանք մտել են պառկած հիվանդների սենյակներ, լուսանկարվել, ինքնագրեր տվել:
«Անկախ պատճառներից, թե ինչու են (երեխաներից յուրաքանչյուրը) այստեղ, նրանք բոլորը ուրախությամբ նայում էին պատուհաններին»,- նշել է բուժհաստատության ներկայացուցիչ Ստեֆանի Բայմանը:
Նա հավելել է, որ 5 տարեկան մի տղա պետք է դեռ նախորդ օրն առավոտյան դուրս գրվեր հիվանդանոցից, բայց հրաժարվել է հեռանալ՝ մինչև սուպերհերոսների հետ հանդիպումը: