Պետդեպի պաշտոնական ներկայացուցիչ Մարկ Թոները հայտարարել է, որ ամերիկյան իշխանությունները դեմ են Հարավային Օսիայում հանրաքվեի անցկացման գաղափարին՝ Ռուսաստանի կազմ մտնելու հարցով։ Այս մասին ասվում է Պետդեպի կայքում։
«Մենք աջակցում ենք Վրաստանի տարածքային ամբողջականությանն ու ինքնիշխանությանը, և դա ներառում է Հարավային Օսիան»,- հստակեցրել է դիվանագետը։
«Մենք չենք ճանաչում ազատություն ստանալու կամ ինքնիշխանության հավակնելու Հարավային Օսիայի որևէ փորձ»,- ասել է Թոները։
Երեկ հաղորդվել էր, որ Հարավային Օսիայի նախագահ Լեոնիդ Թիբիլովն ու խորհրդարանի խոսնակ Անատոլի Բիբիլովը ստորագրել են հայտարարություն Ռուսաստանի կազմ Հարավային Օսիայի մուտքի հարցով հանրաքվեի անցկացման մասին։ Նախատեսվում է հանրաքվեն անցկացնել 2017 թվականին։