Իսրայելի խորհրդարանի (Քնեսեթ) պաշտոնական կայքի փոխանցմամբ՝ Ադրբեջանի փոխարտգործնախարար Արազ Ազիմովը նախորդ շաբաթ Իսրայել կատարած այցի շրջանակներում հանդիպել է Քնեսեթի՝ արտաքին ու պաշտպանական հարցերով խորհրդարանական հանձնաժողովի նախագահ Ցաչի Հանեգբիի հետ:
Հանդիպման ժամանակ կողմերը, ի թիվս այլ հարցերի, քննարկել են նաև Իրանի միջուկային ծրագրի հարցը: Դրա հետ կապված՝ Ազիմովը հայտարարել է. «Իրանը չի հրաժարվել իր միջուկային ծրագրից (միջուկային հավակնություններից՝ համաձայն Jewish Press-ի): Իրանը միայն հետաձգել է այդ ծրագրի մի մասի (որոշ ասպեկտների) իրագործումը»:
Ընդգծվում է, որ Հանեգբին իր հերթին Իսրայելի քաղաքական վերջին նորությունների մասին իրազեկել է իր ադրբեջանցի հյուրին և հետաքրքրություն է ցուցաբերել Ադրբեջանի շուրջ ստեղծված տարածաշրջանային բարդ իրավիճակի հանդեպ:
