Քաղաքագետ Գագիկ Համբարյանը «Առաջին լրատվական»- ի հետ զրույցում, անդրադառնալով ստեղծված պատերազմական վիճակին և ղարաբաղյան հակամարտության լուծման խնդրին, երկու պլան է նախանշում: Նրա խոսքով՝ հայկական կողմը պետք է ընտրություն կատարի Պլան-մինիմումի և Պլան-մաքսիմումի միջև:
Պլան-մինիմումն այն է, որ պետք է վերականգնվի այն ստատուս քվոն, որ եղել է մինչև ապրիլի 2-ը, այսինքն՝ հայկական կողմը պետք է վերադարձնի այն հենակետերը, որոնք կորցրել ենք»:
Պլան-մաքսիմումն այն է, որ պետք է էլ ավելի մեծ տարածքներ ազատագրվեն, որպեսզի Հայաստանն ավելի ուժող դիրքերից հանդես գա բանակցային գործընթացում:
Քաղաքագետի խոսքով՝ մենք պետք է հասկանանք, որ գործ ունենք բարբարոս թուրքի հետ, «նա պիտի վախենա, նրա հետ պիտի խոսես ուժի դիրքերից, «նրանք դիվանագիտություն, բանակցություններ չեն հասկանում»:
«Երբ որ մենք կորցրեցինք 200մ տարածքը, ադրբեջանցիները թոթափեցին պարտվածի բարդույթը, որ ունեցել են 2 տասնամյանկների ընթացքում»,- նշում է Գագիկ Համբարյանը:
Նրա կարծիքով՝ ռազմական մեթոդներով հարցի լուծումը այս պարագայում մեզ համար ավելի կարևոր է, քան բանակցային գործընթացին վերադառնալը:
Մանրամասները՝ տեսանյութում: