Երեկ ՏՄՊՊՀ նախագահ Արտակ Շաբոյանը մեկնաբանեց բենզինի գները՝ նշելով, որ բենզինի գների նվազումը համարժեք է ձեռքբերման գների նվազմանը, և Հայաստանում բենզինի գները շարունակական նվազման միտում են դրսևորում:
ՕԵԿ խմբակցության քարտուղար Մհեր Շահգելդյանը «Առաջին լրատվական»- ի հետ զրույցում անդրադարձավ Ա. Շաբոյանի մեկնաբանությանը: Ըստ Մհեր Շահգելդյանի՝ նավթային գների տատանման հետ միաժամանակ, եթե նավթային գներն անկում ապրեն, ռուբլին թուլանալու է, որը մեզ երկու հնարավորություն կտա:
Մհեր Շահգելդյանի խոսքով՝ Հայաստանում բազմաթիվ ներկրված ապրանքներ կան, որոնք շատ ավելի թանկ են այստեղ, քան կարող էին լինել. «Աղքատացող բնակչության համար սա ծանրագույն բեռ է: Ռուսաստանում 20 ապրանքատեսակներից մոտ 12-ի գներն իջել են, իսկ դրանց մեծ մասը բերվում է նաև Հայաստան: Հասկանալի է, որ գնային քաղաքականությամբ զբաղվում է Կենտրոնական բանկը, բայց կառավարությունը նույնպես իր քաղաքականությամբ պետք է անդրադարձ կատարի դրան, եթե խոսքը սոցիալական-տնտեսական շուկայի մասին է»:
Մ. Շահգելդյանն անդրադարձավ նաև Հայաստանի արտաքին պարտքի հետ կապված վտանգներին և այն հարցին, թե վերակազմավորվող «Հայկական վերածնունդ»-ն ինչ է անելու 2017-ին:
Մանրամասները՝ տեսանյութում:
