Սիրիայի ապստամբներն օրերս արտասահմանյան աջակիցներից ստացել են լրացուցիչ քանակությամբ երկիր-երկիր դասի «Գրադ» համակարգի հրթիռներ, հայտնում է Reuters գործակալությունը՝ հղում կատարելով ուժայինների երկու հրամանատարներին:
Հրամանատարները հայտնել են, որ ուժայինները զենք են ստանում Հալեպում կառավարական զորքերի վրա հարձակման սկզբից ի վեր: Նրանցից մեկի խոսքերով` նախկինում էլ նրանք ստացել են «Գրադ» համակարգի հրթիռներ, սակայն «շատ քիչ» քանակությամբ:
Գործակալության տվյալներով՝ Սիրիայի նախագահ Բաշար Ասադի արտասահմանյան հակառակորդները, այդ թվում՝ Սաուդյան Արաբիան և Թուրքիան ապստամբներին զենք են մատակարարում Թուրքիայում գտնվող օպերատիվ կետից: