ԱԺ Պետաիրավական հարցերի մշտական հանձնաժողովի նիստում ՄԻՊ թեկնածուի հարցի քննարկման ժամանակ ՀՀԿ-ի թեկնածու, Արդարադատության փոխնախարար Արման Թաթոյանին հարցեր ուղղեց հանձնաժողովի անդամ Տիգրան Ուրիխանյանը: Նա նկատեց, որ Ա. Թաթոյանն իր ելույթում նշեց, որ Մարդու իրավունքների պաշտպանը վեր է լինելու օրենսդիր, գործադիր մարմիններից. «Դուք վե՞ր եք պատրաստվում լինել օրենսդիր, գործադիր մարմիններից: ՀՀ-ում, ըստ Ձեզ, քաղաքական բանտարկյալներ կա՞ն, թե՞ ոչ»:
Ի պատասխան՝ Ա. Թաթոյանը պարզաբանեց, որ իր խոսքի նպատակն այն չի եղել, որ ՄԻՊ-ը վեր է կանգնած. «Պարզապես նկատի ունեի, որ ՄԻՊ-ը չի մտնում ո՛չ օրենսդիր, ո՛չ գործադիր, ո՛չ դատական իշխանության համակարգերի մեջ:
Քաղաքական բանտարկյալների մասով՝ Ա. Թաթոյանն ասաց. «Որպեսզի կարողանանք գնահատել և հետևություն անել, թե արդյոք անձը քաղաքական բանտարկյալ է, անհրաժեշտ է անդրադառնալ դա բացահայտող չափանիշներին: Այս պահին չեմ կարող ասել, որովհետև և՛ իրավասու չեմ, և՛ կոնկրետ գործերի հանգմանքներին չեմ տիրապետում»:
Մանրամասները՝ տեսանյութում:
