Հայաստանն ու Եվրամիությունը, որոնք իրավական նոր բազայի շուրջ բանակցություններ են վարում, թևակոխել են հարաբերությունների կառուցողական փուլ: Այս մասին «Հայաստան-ԵՄ բանակցությունների նոր փուլ. խնդիրներ և հեռանկարներ» թեմայով քննարկմանը հայտարարել է Հայաստանում Եվրամիության պատվիրակության ղեկավար, արտակարգ և լիազոր դեսպան Պյոտր Սվիտալսկին:
«Մենք ամեն տարի 50 միլիոն եվրո ենք ծախսում ի շահ ՀՀ քաղաքացիների, մենք արտաքին առևտրի խոշոր գործընկերն ու խոշորագույն ներդրողն ենք, օժանդակում ենք ՀՀ-ին՝ կայունացման և արդիականացման գործում»,- ասել է Պյոտր Սվիտալսկին։
Դեսպանի խոսքերով՝ ԵՄ-ն գտնվում է այն ելման կետում, որը հնարավորություն է ընձեռում լինել և՛ եվրասիական ինտեգրման նախագծում ու ՀԱՊԿ անդամության պայմանագրում, և՛ միևնույն ժամանակ բարիդրացիական հարաբերություններ ունենալ ԵՄ-ի հետ, որը Հայաստանի համար խոշորագույն դոնոր է: