Շուրջ 300 հազվագյուտ կիթառ, այդ թվում՝ այն կիթառները, որոնք նախկինում պատկանել են բրիտանացի և ամերիկացի լեգենդար երաժիշտներ Էրիկ Քլեփթոնին և Էդի Վան Հալենին, Նյու Յորքի Guernsey’s աճուրդի տանը փետրվարի 27-ին կհանվեն վաճառքի, հայտնում է TASS-ը:
Այդ մասին շաբաթ օրը հայտարարել են աճուրդի տան պաշտոնական ներկայացուցիչները: Թոփ լոտերից մեկը հանդիսանում է Gibson Super 400 CES կիթառը, պատրաստված 1952 թվականին, հատուկ ամերիկացի երաժիշտ Թոնի Մատոլիի համար, որն հանդես է եկել այնպիսի հայտնի երգիչների հետ, ինչպիսիք են Ֆրենկ Սինատրան, Պյեռ Կոմոն և Ջոնի Մեթիսը: Գործիքի սկզբնական արժեքը կազմում է 100 հազար դոլար:
Աճուրդի տան մասնագետներն ակնկալում են, որ 60-80 հազարով կվաճառվի Charvel կիթառը, ստեղծված 1980-ականներին հատուկ Վան Հալենի համար:
Լոտերի թվում կա նաև մի քանի կիթառ, որոնք նախկինում պատկանել են Էրիկ Քլեփթոնին, որոնցից երկուսի վրա կա նրա ստորագրությունը: Վաճառվող գործիքներից մեկի վրա Էլվիս Փրեսլին ստորագրել է «ռոքնռոլի արքա»: