««Արջը յոթ երգ գիտի, յոթն էլ մեղրի մասին է», ստացվում է, որ մեր շեշտադրումները բոլորիս մոտ նույնն է, որովհետև վարկ է. ՀՀ-ի և Վերակառուցման և զարգացման միջազգային բանկի միջև 2015 թվականի օգոստոսի 26-ին ստորագրված «Կենսական նշանակության ճանապարհային ցանցի բարելավման ծրագրի համար լրացուցիչ ֆինանսավորում» վարկային համաձայնագրի քննարկմանն ասաց ՕԵԿ խմբակցության ղեկավար Հեղինե Բիշարյանը:
Հ. Բիշարյանը նշեց, որ Կառավարությանն իհարկե հաջողվել է նոր վարկ վերցնել. «Մի մասը նպատակային հատկացվելու է, իհարկե, բայց մյուս մասը, կիսում եմ մեր գործընկների մտավախությանը և հակված եմ այն տեսակետին, որ մտնում ենք նախընտրական շրջան, և դրա համար է… Էլի քաղաքական շահը թող հետապնդի՝ գործողությունների հետ կապված, բայց մի քիչ էլ նպատակների մասին պետք է մտածել, համայնքների վիճակը բարելավելու առաջնահերթություն կա, հո մենակ քաղաքական շահը չի՞»,- ասաց ՕԵԿ պատգամավորը:
«Արդեն հիվանդություն է. վարկային ծրագրերը բերում են, էս խեղճ պատգամավորներն էլ խոսում են, քվեարկում են, ընդունում ու վերջ, վարկը թռավ, ու ոչ ոք չգիտի, ով ինչ արեց, ինչպես ծախսվեց»,- նշեց Հ. Բիշարյանը և առաջարկեց մեկ տարի հետո ևս անդրադառնալ ծրագրին՝ հասկանալու համար, թե ինչ են արել:
Մանրամասները՝ տեսանյութում: