Աբովյան-Պուշկին-Սախարով հրապարակի եռանկյունին դեռևս 2013 թվականին կառավարության որոշմամբ ճանաչվել է գերակա շահ: Ինչպես այս, այնպես էլ Երևանի փոքր կենտրոնում տասնյակ էլիտար այլ շենքերի և տարածքների սեփականատեր Սամվել Մայրապետյանի փաստաբան Ալեքսանդր Սիրունյանը վստահեցնում է՝ իրենք օրենքի կետով են առաջնորդվում և դիմել են դատարան, որպեսզի կառավարության որոշումը կյանքի կոչվի:
Փոխհատուցման դիմաց տարածքը լքել չի համաձայնվել 47 քաղաքացի:
Փաստաբան Սիրունյանը վստահ է, որ դատը շահելու են:
«Եթե Սամվել Մայրապետյանի փոխարեն լինի մեկ այլ սեփականատեր, միևնույնն ա, այդ պրոցեսը նույնն էր լինելու»:
Այսօր դատարանում պետք է ընթերցվեր դատարանի որոշումը, սակայն վերջին պահին տարածքն ազատելուց հրաժարվողների փաստաբանի փոփոխությունից հետո գործի քննությունը կասեցվեց: Այն կվերսկսվի փետրվարի 16-ին:
