Չինաստանում շաբաթ օրը տոնել են երկրի ամենածեր պանդայի՝ Բասըի 35-ամյակը, տեղեկացնում է korrespondent.net-ը:
Մարդկային չափանիշներով՝ Բասըի տարիքը հասնում է 100-ի: Այդ կենդանին շատ հայտնի է Չինաստանում ոչ միայն իր տարիքի շնորհիվ. Բասըն 1990-ին Պեկինում անցկացված Ասիական խաղերի խորհրդանիշի նախատիպն է եղել:
Կենդանաբանների կարծիքով՝ պանդայի երկարակեցության գործոնները երեքն են՝ վարժեցումը, գիտականորեմ մշակված սննդակարգը և արհեստավարժ բժիշկների հսկողությունը:
Բասըն աշխարհում երկրորդ ամենածեր պանդան է: Առաջինը 38-ամյա էգ Ցզյա-Ցզյա պանդան է, որն ապրում է Հոնկոնգի զվարճությունների այգում: Որպես կանոն, անազատության մեջ պանդաներն ապրում են մոտավորապես մինչև 30 տարի:
