Բելառուսը պատրաստ է նպաստել Եվրասիական տնտեսական միությունում (ԵՏՄ) Ադրբեջանի շահերի առաջխաղացմանը: Այս մասին Մինսկում հայտարարել է Բելառուսի նախագահ Ալեքսանդր Լուկաշենկոն՝ գրում է RIA Novosti-ն:
«Ադրբեջանը եղել և մնում է Բելաուսի հուսալի բարեկամն ու գործընկերը: Մենք բարձր ենք գնահատում մեր բարեկամությունը և պատրաստ ենք անկեղծորեն ու բացահայտորեն աջակց ել ԵՏՄ-ում ձեր շահերի առաջխաղացմանը»,- ասել է Լուկաշենկոն Ադրբեջանի նախագահ Իլհամ Ալիևի հետ հանդիպման ժամանակ, ով պաշտոնական այցով գտնվում է Մինսկում:
Նա ընդգծել է, որ հաշվի առնելով համաշխարհային տնտեսության մեջ ճգնաժամային երևույթները՝ երկրները պետք է շեշտը դնեն նոր գաղափարների և փոխշահավետ համագործակցության նոր ուղղությունների վրա:
«Ներկայիս ոչ հասարակ հանգամանքներում մեր պետությունները փոխադարձ ապրանքաշրջանառության նկատելի նվազեցում թույլ չեն տվել: Այնուամենայնիվ, ժամանակը մեզնից պահանջում է ակտիվ և արդյունավետ որոշումներ՝ տնտեսական փոխգործակցության ընդլայնման համար, այդ թվում նաև երրորդ երկրների շուկաներում»,- ասել է Լուկաշենկոն: