Իրանի նավթագազային հանքավայրերի համար առաջին տենդերները տեղի կունենան 2016թ. սկզբին: TASS-ի հաղորդմամբ՝ այս մասին հայտարարել է Իրանի նավթի նախարարի տեղակալ և պետական նավթային ընկերության ղեկավար Ռոկնեդդին Ջավադին:
«Մենք հուսով ենք, որ տենդերները տեղի կունենան հաջորդ տարվա սկզբին»,- լրագրողներին ասել է Ջավադին նավթային պայմանագրերի հարցերով միջազգային համաժողովի կուլուարներում:
Ավելի վաղ հայտնի դարձավ, որ Իրանը ծրագրում է օրական 4-7 մլն բարել նավթ արդյունահանել մինչև 2020թ.: