Ռուսաստանը մտադիր չէ որևէ հատուկ սահմանափակումներ սահմանել թուրքական ապրանքների վրա՝ «Սու-24» ռուսական ռմբակոծիչի հետ կապված միջադեպի պատճառով։ Այս մասին հայտնում է RIA Novosti-ն՝ հղում անելով նախագահի մամլո քարտուղար Դմիտրի Պեսկովին։
Պեսկովի խոսքով՝ Ռուսաստանն ուժեղացնում է վերահսկողությունը թուրքական ապրանքների նկատմամբ՝ կապված քաղաքական իրադրության սրման հետ։
«Ոչ մի էմբարգո, անշուշտ, չի սահմանվի»,- ասել է նա։ Նրա խոսքով՝ ծայրահեղական տարբեր դրսևորումների վտանգի բարձրացմանը զուգահեռ ընդունվում են վերահսկողության հավելյալ միջոցառումներ։
Պեսկովը նաև նշել է, որ վերահսկողության ուժեղացումը բնական արձագանք է՝ «առավել ևս այս դեպքում Թուրքիայի անկանխատեսելիության պայմաններում»։