Գերմանիայի կանցլեր Անգելա Մերկելն ու Մեծ Բրիտանիայի վարչապետ Դևիդ Քեմերոնը համաձայնել են, որ եվրոպական պատժամիջոցներն ընդդեմ Ռուսաստանի անհրաժեշտ է պահպանել մինչև Մինսկի համաձայնագրերի լիարժեք իրագործումը։ Այս մասին նրանք խոսել են բրիտանացի վարչապետի քաղաքամերձ նստավայրում երկու քաղաքական գործիչների աշխատանքային ընթրիքին՝ հայտնում է TASS գործակալությունը։
«Վարչապետը ողջունել է առաջընթացը, որին կանցլեր Մերկելն ու նախագահ Օլանդը հասել են նորմանդական ձևաչափի շրջանակում։ Երկու առաջնորդներն ընդգծել են Ուկրաինայի ֆինանսական և գործնական օգնության կարևորությունը»,- ասվում է վարչապետի գրասենյակի հայտարարության մեջ։
Առաջնորդները քննարկել են ոչ միայն իրավիճակն Ուկրաինայում, այլև պայքարն ընդդեմ ԴԱԻՇ-ի և առանձին իրավիճակը Սիրիայում։ Դևիդ Քեմերոնը ևս մեկ անգամ ընդգծել է, որ հակամարտությունը պետք է կարգավորվի քաղաքական ուղով։
