«Ժողովուրդ» թերթը գրում է. «2014 թ. նոյեմμերի 19-ին ՀՀ վարչապետ Հովիկ Աբրահամյանը Կառավարության հերթական նիստի ժամանակ ԱԺ նախագահ Գալուստ Սահակյանի որդուն՝ Կառավարությանն առընթեր պետական գույքի կառավարման վարչության պետ Արման Սահակյանին հրապարակավ կոպտեց, ինչը տևական ժամանակ տարբեր քննարկումների տեղիք տվեց: Երեկ վարչապետը կրկին կոպիտ տոնայնությամբ նկատողություն արեց Ա. Սահակյանին` վերջինիս դիմելով անունով ու հորդորելով չալարել ու խոսել:
Հիշեցնենք, որ վարչապետի՝ նախորդ տարի արած առաջին նկատողությունից հետո Ա. Սահակյանը հայտարարել էր, թե Աբրահամյանն իրեն չի կարող նկատողություն անել, ինչից հետո տեղեկություններ էին շրջանառվում, որ դա շատ «ցավոտ» է ընդունել Հ. Աբրահամյանը:
Ավելին՝ նշվում էր, որ առաջիկայում Ա. Սահակյանը հրաժեշտ է տալու իր պաշտոնին, քանի որ վարչապետը չի ցանկանում նրա հետ աշխատել: Սակայն որոշ ժամանակ անց պարզ դարձավ, որ Գ. Սահակյանին հաջողվել է ներքին կարգով լուծել այդ խնդիրը: Երեկվա նիստում գրանցված միջադեպը թերևս ցույց է տալիս, որ, չնայած վարչապետը Ա. Սահակյանին պաշտոնանկ չի անում, բայց և իր «ձևերով» պատժում է` ամեն անգամ նրան «իր տեղը» ցույց տալով:
Մանրամասները՝ թերթի այսօրվա համարում