«Բոլորն էլ ունեն աշխատելու և վաստակելու հնարավորություն: Ինչի՞ց վերցրիք, որ արվեստագետներն ավելի շատ ունեն դրա հնարավորությունները: Կարծում եք, որ յուրաքանչյուր ստեղծագործող իր վաստակածող կարո՞ղ է բնակարան գնել,- «Առաջին լրատվական»-ի հետ զրույցում ասաց դերասան, Երևանի ավագանու անդամ Հրանտ Թոխատյանը: Նա նշեց, որ և Վահրամ Սահակյանը և Զառա Արամյանը մեծ ներդրում ունեն և արժանի են այդ նվերին: «Վահրամ Սահակյանի «Մեա կուլպա»-ն նայել է 450 000 մարդ. սա օբյեկտիվ կարծիք է նրա մասին: Իսկ, որ Զառա Արամյանն իր առողջության հաշվին ուզեցել է երաժշտական ֆոնդը փրկել, որ ռադիոյում ու հեռուստատեսությունում աշխատելու տարիներին մեծ աշխատանք է կատարել, այդ մասին չի խոսվում, իսկ Պերճը մեր լավագույն երգիչներից մեկն է: Կան բաներ, որ անպայման չի դուրս գալ և գոռալ»:
Էրեբունի-Երևան տոնակատարությանն անդրադառնալով՝ Հ. Թոխատյանն ասաց. «Այս տոնը եղել է ու միշտ էլ պետք է լինի՝ հրավառությունով և ամեն ինչով:. Պիտի նշենք ու չուզողի աչքն էլ պետք է հանենք: Քաղաքապետարանը սահմանամերձ գյուղերին էլ է գումար փոխանցել, դուք դրա մասին գիտե՞ք: Ինչո՞ւ պիտի ամեն ինչը քննարկվի: Ես, օրինակ, կարողացել եմ Արմեն Համբարձումյանի հետ վարձել ավտոբուսներ, որոնք սահմանամերձ գյուղերից մեր ամեն ներկայացումը դիտելու համար բերում են մոտ 100 երիտասարդներ: Եկեք անիմաստ խոսելու տեղը օգնենք էդ գյուղերին»:
