Այսօր կառավարության հերթական նիստի ընթացքում շենքի դիմաց հավաքվել էին «Նաիրիտ» գործարանի աշխատակիցները, հաշմանդամ օդաչուները, բնակարաններից զրկված քաղաքացիները։ Նրանց բոլորի պահանջը կառավարությունից մեկն է՝ լուծում տալ իրենց խնդիրներին։
Հաշմանդամ դարձած օդաչուներից մեկը «Առաջին լրատվական»-ի հետ զրույցում ասաց, որ իրենք պահանջում են հանդիպում վարչապետի հետ, սակայն Հովիկ Աբրահամյանն իրենց «իր կաբինետում չի ցանկանում ընդունել»։ Նրանց պահանջը մեկն է՝ տրամադրել իրենց հասանելիք փոխհատուցումը։
