Samsung ընկերության համակարգիչների գովազդի մեջ ծաղր է նկատվել Apple-ի նկատմամբ, երբ սկզբնամասում հայտնվում է տանձի տեսքով խորհրդանիշ, որը նման է Apple-ի «կրծած խնձորին»:
Այս մասին հաղոդում է Lenta.ru կայքը:
Տեսահոլովակը ցուցադրվել է Samsung-ի 9-րդ սերիայի նոութբուքերի շնորհանդեսին: Տեսահոլովակի կարգախոսն է` «Ամեն ինչ լուրջ է»: Նշվում է, որ Samsung-ի նոր նոութբուքը չունի այնպիսի առանձնահատկություններ, ինչպիսին է գունավոր կորպուսը կամ մեծ էկրանը: Իսկ այն գնելիս դուք չեք ստանա ծիծաղելի խորհրդանիշի կպչող տիպ:
Չնայած այն փաստին, որ շնորհանդեսի ժամանակ Samsung-ի ներկայացուցիչները հերքել են այդ նմանության փաստը, սակայն շատերի համար ակնհայտ է, որ ծաղրն ուղղված է Apple-ին: Ինչ վերաբերում է Samsung-ի նոր համակարգիչներին, ապա դրանց քաշն ընդամենը 1.3 կիլոգրամ է, հաստությունը 1.6 սմ, իսկ էկրանի մեծությունը` 13 դյույմ: Իր հիմնական պարամետրերով այն կարող է մրցակցել Apple-ի Macbook Air-ի հետ:
Հիշեցնենք, որ ապրիլի 18-ին Apple-ը մեղադրել է Samsung-ին իր հիմնական ապրանքատեսակները կրկնօրինակելու և սեփական արտադրանքի մեջ օգտագործելու համար: Samsung-ն իր հերթին հակընդդեմ հայց է ներկայացրել Apple-ին: