Ուկրաինայի զինված ուժերի ներկայացուցիչները կմասնակցեն ՆԱՏՕ-ի ողջ պատմության ամենալայնածավալ՝ Trident Juncture 2015 զորավարժություններին։ Այս մասին «Ուկրինֆորմին» Բրյուսելում հայտնել է ՆԱՏՕ-ում Ուկրաինայի առաքելության ղեկավարի պաշտոնակատար Եգոր Բոժոկը։
«Ուկրաինայի ԶՈւ ներկայացուցիչները կմասնակցեն այդ զորավարժություններին։ Գործի կդրվեն մեր ռազմատրանսպորտային ինքնաթիռը և հավանաբար որոշ այլ պաշտպանական բաղադրիչներ՝ կախված Ուկրաինայի արևելքում անվտանգության իրադրություւնից»,- ասել է դիվանագետը։
Բոժոկը նաև հիշեցրել է, որ սեպտեմբերի 21-25-ը Ուկրաինայի Յավորովի զորակայանում կանցկացվեն ՆԱՏՕ-ի «Ուկրաինա-2015» միջազգային զորավարժությունները՝ ուղղված քաղաքացիական բնույթի ճգնաժամային իրավիճակների արձագանքմանը։
«Մենք մոտ 1000 մասնակցի ենք սպասում դաշինքի 32 անդամ երկրներից ու գործընկերներից»,- ասել է նա։
ՆԱՏՕ-ի ամենալայնածավալ զորավարժությունները կանցկացվեն սեպտեմբերի 28-ից նոյեմբերի 6-ը՝ Իտալիայի, Պորտուգալիայի, Իսպանիայի, Կանադայի, Նորվեգիայի, Գերմանիայի, Բելգիայի, Նիդերլանդների տարածքում, ինչպես նաև Ատլանտյան օվկիանոսում և Միջերկրական ծովում։ Մանևրումներին, որոնք պետք է ցուց տան դաշինքի պատրաստվածությունը ժամանակակից պատերազմի պայմաններում արձագանքմանը, կմասնակցեն 30 անդամ երկրների և գործընկերների մոտ 36 հազար զինվորականներ։