Մսե զգեստը, որը երգչուհի Լեդի Գագան կրել է 2010 թ. Լոս Անջելեսում MTV մրցանակաբաշխությանը, վերածվել է տավարի ապխտած մսի, հայտնում է The Hollywood Reporter-ը: Հինգ տարում զգեստի ձևն ու գույնը մի քիչ փոխվել են, բայց ընդհանուր առմամբ պահպանվել:
Ռոք-ն-ռոլի Փառքի սրահի ներկայացուցիչը, որտեղ ցուցադրված է զգեստը, նշել է, որ հագուստի վրա տաքսիդերմիստներ են աշխատել: Եթե զգեստը պետք լինի տեղափոխել, անհրաժեշտ կլինի հատուկ խցիկ՝ ջերմաստիճանի վերահսկողությամբ:
Հագուստը ստեղծել է դիզայներ Ֆրանկ Ֆերնանդեսը: Այն ցուցադրվել է Ռոք-ն-ռոլի Փառքի սրահում՝ Քլիվլենդում՝ դառնալով Women Who Rock ցուցահանդեսի մասը, որը նվիրված է երաժշտական ինդուստրիայի զարգացման գործում կանանց դերին:
Որպեսզի հագուստը պահպանվի, այն նախ սառեցրել են, հետո մշակել քլորակրով, ֆորմալդեհիդով և լվացող միջոցով: