Windows 10 օպերացիոն համակարգը, որը թողարկվել է հուլիսի 29-ին, նվաճել է համաշխարհային շուկայի 5.21 տոկոս մասնաբաժինը՝ ընդամենը 1 ամսում առաջ անցնելով Windows Vista-ից և Windows 8-ից։ Այս մասին ասվում է Net Applications-ի հետազոտությունում։
Թարմացումը, որը Microsoft ընկերությունն առաջինը տարածում է անվճար (Windows 7-ի, 8-ի և 8.1-ի օգտատերերի համար), 4 շաբաթում ներբեռնվել է ավելի քան 75 մլն անգամ։ Համեմատության համար նշենք, որ Windows 8-ից կես տարի է պահանջվել 100 մլն ներբեռնման ցուցանիշի հասնելու համար։ 2-3 տարի անց՝ ըստ ՕՀ-ի մշակողների, նոր ՕՀ-ով կաշխատի մոտ 1 մլրդ սարք։
Windows 8-ը ներկայում շուկայում զբաղեցնում է 2.56 տոկոս մասնաբաժին, իսկ Vista-ն՝ 1.82 տոկոս։ Ամենապահանջված օպերացիոն համակարգը մնում է Windows 7-ը՝ 57.6 տոկոս։