Շվեդ ծրագրավորող և աշխարհում ամենաշատը վաճառվող համակարգչային խաղի` Minecraft-ի ստեղծող Մարկուս Փերսոնը Twitter-ի իր հետևորդներին պատմել է իր խնդիրների մասին` Microsoft-ի հետ խոշոր գործարքից հետո, որը նրան միլիարդատեր դարձրեց:
Ըստ Forbes-ի` նրա կարողությունը 1.3 մլրդ դոլար է գնահատվում:
«Հանգստանում եմ Իբիցայում ընկերներիս հետ և զվարճանում հայտնի մարդկանց հետ, կարող եմ անել ինչ ցանկանամ և երբեք ինձ ավելի մեկուսացված չեմ զգացել»,- գրել է Փերսոնը:
«Շատ լավ աղջկա եմ հանդիպել, նա վախենում է ինձանից և իմ կենսակերպից: Եվ դրա փոխարեն նա սկսեց հանդիպել նորմալ մարդու հետ»,- անձնական հարաբերություններ կառուցելու դժվարությունից բողոքել է միլիարդատերը:
Նրա խոսքով` երբ մարդը ստանում է ամեն ինչ, նա այլևս որևէ բան անել փորձելու պատճառներ չունի, անհնար է դառնում պահել մարդկանց հետ հարաբերությունները:
