Մեծ Բրիտանիան մեկ տարվա ընթացքում փախստականի կարգավիճակ ստանալու ավելի քիչ հայցադիմում է ստանում, քան Գերմանիան մեկ ամսվա ընթացքում: Այս մասին հաղորդում է Guardian-վ` վկայակոչելով վիճակագրական տվյալներին:
Համաձայն Եվրաստատի` եթե Մեծ Բրիտանիայում Սիրիայի փախստականներից մեկ հայցադիմում է ներկակացվում, Գերմանիայում ներկայացվում է 27-ը: Հունիսի վերջի տվյալներով` 12 ամսվա ընթացքում Մեծ Բրիտանիան 25571 հայցադիմում է ստացել, իսկ Գերմանիան նույն ժամանակահատվածում` 296710: Միայն այս տարվա հուլիսին Գերմանիան ավելի քան 37 հազար հայցադիմում է ստացել, ինչը 10 հազարով ավելին է, քան Բրիտանայինը` մեկ տարվա ընթացքում:
Մեծ Բրիտանիայում հիմնականում փախստականի կարգավիճակ են հայցում Էրիթրեայի, Պակիստանի, Սիրիայի, Իրանի և Սուդանի քաղաքացիները: