Մեծ Բրիտանիայի ոստիկանութւյունը շաբաթ օրը հաստատել է, որ երկրի հարավում կործանված մասնավոր ինքնաթիռում եղել են բեն Լադենի երեք հարազատները՝ հաղորդում է RIA Novosti-ն:
Phenom 300 թեթևշարժիչանի ինքնաթիռը վթարի է ենթարկվել Հեմփշիր անգլիական դքսությունում՝ Բլեքբուշ օդանավակայանի շրջակայքում: Ինքնաթիռի օդաչուն և երեք ուղևորները մահացել են: Վթարի հետևանքով ինքնաթիռը այրվել է, իսկ մի քանի ավտոմեքենաներ վնասվել են:
Իրավապահ մարմինների տվյալներով՝ երեքն էլ Սաուդյան Արաբիայի քաղաքացիներ են, ովքեր եկել էին Մեծ Բրիտանիա՝ հանգստանալու:
Արաբական լրատվամիջոցները ներկայացրել են զոհվածների անունները: Նրանք են՝ ահաբեկչի խորթ մայրը՝ Ռաջա Հաշիմը, նրա քույրը՝ Սանա բեն Լադենը, ինչպես նաև քրոջ ամուսինը՝ Զուհաիր Հաշիմը:
Ավելի վաղ հաղորդվել է, որ Սաուդյան Արաբիայի դեսպանատունը մասնակցում է ինքնաթիռի կործանման հետաքննությանը:
