Գերմանական բջջային T-Mobile ընկերությունը մի խումբ դերասանների հետ բեմադրել է արքայազն Ուիլյամի և նրա ընտրյալի` Քեյթ Միդլթոնի հարսանեկան հանդեսը. արքայական ընտանիքի անդամների նմանությամբ ընտրված դերասանները «կրքոտ ջիգայի հնչյունների ներքո մտնում են եկեղեցի»:
Երաժշտությունը East 17 բրիտանական խմբի House of Love երգից է, ներբեռնվել է YouTube-ում ապրիլի 15-ին: Այն արդեն դիտել է 4.5 մլն մարդ:
«Պսակադրությունը» տեղի է ունեցել Լոնդոնի Սուրբ Բարդուղիմեոս եկեղեցում: Ինչպես հաղորդել է T-Moble ընկերության ներկայացուցիչը, այս քայլով իրենք ցանկացել են ուրախ տրամադրություն հաղորդել բրիտանացիներին, ինչպես նաև շնորհավորել Քեյթին և Ուիլյամին:
Հիշեցնենք, որ արքայազն Ուիլյամի և Քեյթ Միդլթոնի պսակադրությունը կկայանա այս տարի` ապրիլի 29-ին: