Լա-Մանշի տակով Եվրաթունելի գնացքների երթևեկությունը խախտվել է հինգշաբթի գիշերը անօրինական կերպով հարթակ ներթափանցելու ներգաղթյալների բազմաթիվ փորձերի հետևանքով։ Այս մասին հայտնում է Parisien պարբերականը:
«Ժամը մոտ 23:30-ին շուրջ 150 ներգաղթյալներ փորձել են անօրինական ձևով ներթափանցել հարթակ, որտեղից իրականացվում է ավտոմեքենաների մեկնումը»,- ասել է Պա-դե-Կալե պրեֆեկտուրայի տեղական իշխանության ներկայացուցիչը:
Ըստ տեղեկատվության՝ Աֆրիկայից երիտասարդ տղաների և աղջիկների խումբը անցել է հատուկ պատնեշի վրայով՝ ավտոմեքենաներ նստելու նպատակով: Ներկայումս Եվրաթունելի ղեկավարությունը և տեղական իշխանությունները ստուգումներ են անցկացնում: Տվյալ պահին Պա-դե-Կալե պրեֆեկտուրայում գտնվում են մոտ 3 հազար ներգաղթյալներ Էրիթրեայից, Եթովպիայից, Սուդանից և Աֆղանստանից: