ԱՄՆ-ը համաձայն չէ մի շարք երկրների էներգետիկ կախվածության կիրառման հետ որպես Ռուսաստանի քաղաքական ճնշման գործիք։ TASS գործակալության փոխանցմամբ՝ այս մասին հայտարարել է Սպիտակ տան մամլո քարտուղար Ջոշ Էռնեստը՝ մեկնաբանելով հուլիսի 1-ից ռուսական գազ գնելուց Ուկրաինայի հրաժարվելը։
«Մենք նախկինում էլ ենք ասել, որ ոչ մի ձեռնարկություն և երկիր չպետք է վառելիքային գները կիրառի՝ փորձելով քաղաքական առավելություն ստանալ այլ երկրի նկատմամբ»,- հայտարարել է Սպիտակ տան մամլո քարտուղարը։
Ավելի վաղ հաղորդվել էր, որ Եվրահանձնաժողովը ցանկանում է դադարեցնել Ուկրաինայի համար «վերցրու կամ վճարիր» պայմանը։