Ֆիննական Nokia ընկերությունը պատրաստվում է պահպանել իր Symbian օպերացիոն համակարգը մինչև 2014թ., չնայած այն փաստին, որ արդեն սերտ համագործակցում է Microsoft ընկերության հետ` վերջինիս օպերացիոն համակարգերի վրա սարքավորումներ արտադրելու համար:
Այս մասին հայտարարել է Nokia-ի Ավստրալիայի մասնաճյուղի ղեկավար Քրիս Քառը:
Ըստ Քառի` Nokia-ն շարունակելու է Symbian հենքի վրա սմարթֆոնների արտադրությունը 2011-2012թ., իսկ պայմանագրային պարտավորությունների համաձայն` Nokia-ն պետք է ապահովի իր սարքերի ծրագրային ապահովումը ևս երկու տարվա ընթացքում:
Քառը նաև ասել է, որ Nokia-ն մեծ գումարներ է ներդրել այս օպերացիոն համակարգի մեջ և շարունակում է զարգացնել այն:
Հիշեցնենք, որ 2011թ.-ի սկզբից Nokia-ն սկսել է համագործակցել Microsoft-ի հետ` վերջինիս Windows Phone 7 օպերացիոն համակարգի հենքի վրա հեռախոսային սարքեր արտադրելու համար: