Շատերի կարծիքով՝ եթե աշխատանքից հեռանան և սկսեն հաճախել մարզասրահներ, ապա երկար կապրեն: Սակայն ԱՄՆ հետազոտողները հակառակ կարծիքի են՝ հայտնում է ladyhealth.com.ua-ը:
Հավերժ երիտասարդության գաղտնիքը կապված չէ քիչ աշխատելու հետ՝ կյանքից բացառելով սթրեսը և ինքդ քեզ ստիպելով սպորտով զբաղվել: Հոգեբաններ Հովարդ Ֆրիդմանը և Լեսլի Մարտինը որոշել են պարզել, թե ինչ է պատահել այն 1500 երեխաների հետ, ովքեր 1921 թվականին մասնակցել են իրենց գործընկեր հոգեբանների երկարակեցության հետ կապված հետազոտություններին: Հորվարդին և Լեսլիին հաջողվել է փորձի գրեթե բոլոր մասնակիցների մասին տեղեկություններ ստանալ:
Նրանցից շատերը մահացել էին 60 տարեկանից հետո, բայց եղել են նաև այնպիսիք, որոնք մինչև հիմա ապրում են: Նրանց առողջության հիմնական գրավականը եղել է աշխատանքով տարվածությունը, երջանիկ ամուսնությունը կամ մոտիկ բարեկամությունը, ինչպես նաև մարդամոտությունը:
Ներկայացնոմ ենք հետազոտության հիմքում ընկած երկարակեցության 7 ոսկե կանոններ.
1. Եղեք բարեխիղճ: Դա վերաբերում է և փողին, և աշխատանքին, և սեփական առողջությանը: Այդպիսի մարդիկ հազվադեպ են ծխում և հաճախ են այցելում բժշկի։
2. Ընկերներ ընտրելիս եղեք դժվարահաճ: Հայտնիությունը չի երաշխավորում երկարակեցություն։ Կարևոր է ժամանակի և հանգամանքների փորձությունն անցած իսկական ընկերությունը։
3. Մի տարվեք լավատեսությամբ: Ամենաուրախ և լավատես երեխաները ավելի կարճ են ապրել իրենց լուրջ և կազմակերպված հասակակիցներից;
4. Դադարեք վախենալուց ավելի վատից: Ծայրահեղ անհանգստությունը կրճատում է կյանքը։
5. Հրաժարվեք մարզասրահից: Սա ամենաանսովոր եզրակացությունն է: Պարզվում է, որ ֆիզիկական ակտիվությունը չի երաշխավորում երկարակեցություն: Ավելի լավ է ակտիվ կյանք վարել ուղևորությունների հաշվին՝ միաժամանակ այցելելով կինոդահլիճներ և թանգարաններ, այլ ոչ թե վազել քնելուց առաջ:
6. Կրկին մի ամուսնացեք: Դա ավելի շատ վերաբերում է կանանց: Ամուսնալուծված կանայք ավելի լավ են գլուխ հանում սթրեսից և ապրում են ավելի երկար, քան տղամարդիկ:
7. Մի լքեք սթրեսային աշխատանքը հանուն երջանիկ անգործության: Դա սխալ ռազմավարություն է: Ով վաղ է գնում հանգստի, քիչ շանսեր ունի երկար ապրելու: