Դամասկոսի հարաբերությունը Ռուսաստանի և Իրանի հետ «ավելի խորն են, քան ոմանք կարծում են», այդ մասին հայտարարտել է Սիրիայի արտաքին գործերի նախարար Վալիդ Մուալեմն, իր հայ գործընկեր Էդուարդ Նալբանդյանի հետ տված մամլո ասուլիսի ժամանակ:
Նրա խոսքերով, Մոսկվան և Թեհրանն իր երկրին հատկացնում են պարզ և շոշափելի աջակցություն, հայտնում է TASS-ը:
«Մեր երկրի դեմ դավադրությունները շարունակվում են և պարզ երևում է, որ դավադիրներն օգնում են զինյալներին, որոնք Սիրիա են ներթափանցում թուրքական սահմանից: Սակայն, ես ասում եմ սիրիական ժողովրդին, որ մենք ունենք ընկերներ, ովքեր մեզ օգնում են և մենք զգում ենք նրանց օգնությունը»,- ասաց Մուալեմը:
Դեռ մարտի վերջին Սիրիայի նախագահ Բաշար Ասադը հայտարարեց, որ Ռուսաստանը և Իրանը Սիրիայի համար ցանկանում են կայունություն և քաղաքական լուծումներ:
«Մենք Ռուսաստանի և Իրանի հետ ընդհանուր մոտեցում և տեսլական ունենք պատերազմի հարցում, որը վերջին չորս տարիների ընթացքում ավերեց մեր երկիրը»,- ընդծեց Սիրիայի առաջնորդը:
