Մեծ Բրիտանիայի իշխանությունները պաշտոնապես հայտարարել են մինչև 2017-ի վերջը Եվրամիության կազմից դուրս գալու հարցի շուրջ հանրաքվե անցկացնելու մասին, գրում է Vestifinance-ն: Այս մասին հայտնել է Եղիսաբեթ II թագուհին` երկրի խորհրդարանի նոր նստաշրջանի բացմանն իր ելույթի ժամանակ:
«Իմ կառավարությունը կշարունակի իրականացնել տնտեսական կայունության և անվտանգության ապահովման երկարատև ծրագիրը կյանքի յուրաքանչյուր փուլում: Իշխանությունները կշարունակեն աշխատել պետական եկամուտների վերահսկողությունը վերադարձնելու և բյուջեի դեֆիցիտի նվազման ուղղությամբ, որպեսզի Բրիտանիան ապրի իր միջոցներով: Միջոցառումներ կկիրառվեն տնտեսության արտադրական պոտենցիալը և կյանքի չափանիշները բարձրացնելու վերաբերյալ:
Իմ կառավարությունը նոր բանակցություններ կվարի Մեծ Բրիտանիայի և Եվրամիության հարաբերությունների հարցի շուրջ, ինչպես նաև կփորձի հասնել ԵՄ-ի բարեփոխումներին, որպեսզի այն ծառայի իր բոլոր անդամների շահերին: Դրանով հանդերձ կսահմանվի օրինագիծ` մինչև 2017-ի վերջը հանրաքվե անցկացնելու վերաբերյալ այն հարցի շուրջ, թե արդյոք Բրիտանիան պետք է մնա, թե դուրս գա Եվրամիության կազմից»,- ասել է Մեծ Բրիտանիայի թագուհին: