Մեծ Բրիտանիայի նախկին վարչապետ Թոնի Բլերը թողնում է Մերձավոր Արևելքի քառյակի հատուկ ներկայացուցչի պաշտոնը, հաղորդում է BBC լրատվականը:
Ինչպես հայտնում են աղբյուրները, Բլերն արդեն հրաժարականի դիմում է ներկայացրել: Սպասվում է, որ նախկին վարչապետը կաշխատի մինչև հունիսի վերջը:
Այդ մասին Բլերից կամ նրա ներկայացուցիչներից գործակալություններին հատուկ բացատրություններ ստանալ չհաջողվեց:
Մերձավորարևելյան կարգավորման հարցերով չորս կողմերից կազմված խումբը ստեղծվել է 2001 թ. վերջին, որի մեջ մտնում են Ռուսաստանը, Եվրամիությունը, ՄԱԿ-ը ԱՄՆ-ը: Խմբի հատուկ ներկայացուցչի պաշտոնում Բլերը աշխատում էր վերջին 8 տարին: