Շվեյցարիայում մայիսի 27-ին ձերբակալվել են ՖԻՖԱ-ի մի շարք բարձրաստիճան ղեկավարներ՝ գրում է The New York Times-ը: Բոլոր ձերբակալվածները կասկածվում են կոռուպցիայի մեջ և հետաքննության համար կարտահանձնվեն ԱՄՆ:
Մասնավորապես, Baur Au Lac հյուրանոցում ձերբակալվել են ՖԻՖԱ-ի գործադիր կոմիտեի երկու փոխնախագահ՝ Ջեֆրի Ուեբը և Էուխենիո Ֆիգերեդոն, նաև նույն կոմիտեի անդամ Ջեք Ուորները: BBC-ի հաղորդմամբ՝ ձերբակալվածների թվում են նաև Էդուարդո Լին և Խոսե Մարիա Մարինը: Ֆեդերացիայի ներկայացուցիչները Ցյուրիխում են ՖԻՖԱ-ի ամենամյա հավաքին:
Ընդհանուր առմամբ ձերբակալման օրդեր է տրվել ավելի քան 10 պաշտոնյայի համար՝ նշում է պարբերականը: Սակայն ոչ բոլորն են հիմա Շվեյցարիայում:
Reuters-ի տեղեկացմամբ՝ դրամական միջոցների ապօրինի շրջանառությունը ՖԻՖԱ-ում գերազանցում է 100 մլն դոլարը: