Մեծաթիվ մարդիկ, որոնք ամեն օր քաղաքում տեղափոխվում են հասարակական տրանսպորտով, իրենց ենթարկում են մշտական գաղտնալսման: Միայն Նյու Յորքում մետրոյից օրական օգտվում է մոտ 5.5 մլն մարդ, նրանց կեսից ավելին սմարթֆոն ունի, որոնք առավել խոցելի են կիբերհանցագործների համար: Այս մասին իր ուսումնասիրության մեջ հայտնում է գիտնականների խումբը չինական Նանկինի համալսարանից՝ գրում է The Daily Dot պորտալը:
«Եթե ցանցահենը կարողանա նույն սմարթֆոնի տիրոջը մի քանի օր հետևել, նա հստակ պատկերացում կկազմի մարդու օրակարգի, վայրերի մասին, որտեղ նա ապրում ու աշխատում է, ինչը հարցականի տակ է դնում գաղտնալսման օբյեկտի ֆիզիկական անվտանգությունը…»,- ասվում է ուսումնասիրության մեջ:
Սմարթֆոնները, որոնք մենք ձեռքից ցած չենք դնում գործնականում ամբողջ օրը, իրենց գտնվելու վայրի, GPS-ի, համացանցի և այլ հնարավորություններով վաղուց լրտեսների համար իսկական նվեր են դարձել:
Հետազոտությունը դեռ պաշտոնական վերանայման գործընթաց չի անցել: