Այսօր Էջմիածնի ճանապարհին ԱԺ նախկին պատգամավոր Հակոբ Հակոբյանին պատկանող գազալցակայանում տեղի ունեցած պայթյունից տուժած 3 քաղաքացիների վիճակն էլ ծայրահեղ ծանր է: Երեքն էլ վերակենդանացման բաժանմունքում են: Այս մասին «Առաջին լրատվական»-ին փոխանեցեցին հիվանդանոցից:
Մասնավորապես, պայթյունից տուժած Հակոբ Հակոբյանի որդին՝ Արմեն Հակոբի Հակոբյանը, ունի մարմնի մակերեսի 65 տոկոսի այրվածք, ինչպես նաև վերին շնչուղիների 20 տոկոսի այրվածք:
1986 թվականին ծնված Արմեն Հակոբյանն ունի մարմնի մակերեսի 25 տոկոսի և վերին շնչուղիների 20 տոկոսի այրվածք: Այրվածքները գնահատվում են 1-ին, 2-րդ և 3-րդ կարգի:
1994 թվականին ծնված Արթուր Գասպարյանը ստացել է 1-ին, 2-րդ և 3-րդ կարգի այրվածքներ: Հիվանդանոցի հերթապահ բժիշկը փոխանցեց, որ առավել ծանր է Հակոբյանի եղբորորդու՝ Արմեն Հակոբյանի վիճակը: Բոլոր երեքն էլ այրվածքներ են ստացել մարմնի տարբեր հատվածներում:
Հիշեցնենք, որ դեպքը տեղի էր ունեցել Զվարթնոց գյուղի գազալցակայաններից մեկում: Պայթյունի հետևանքով 3 մարդ վիրավորվել է: Պայթյունը, նախնական տվյալներով, առաջացել է կոմպրեսորային կայանից, պայթել է Հակոբ Հակոբյանի ազգականներին պատկանողա Volkswagen մակնիշի 34 QF 306 համարանիշի ավտոմեքենան:
