Ներկայացվել է Lumopack սմարթֆոնների համար նախատեսված ամենաարագ լիցքավորվող մարտկոցն աշխարհում, որը լիցքավորվում է ընդամենը 30 րոպեում, հայտնում է telegraf.com.ua-ն:
Շուկայում կա արտաքին մարտկոցների մեծ տեսականի, որոնք թույլ են տալիս լիցքավորել iPhone-ն ու iPad-ը: Սակայն բանն այն է, որ դրանց էներգիայի վերականգման համար բավական երկար ժամանակ է հարկավոր, ինչի հետևանքով դրանց օգտագործումը կապված է հավելյալ խնդիրների հետ:
Lyte Systems-ը լուծել է այդ խնդիրը: Lumopack-ի կոմպակտ մարտկոցը մինչև 100% լիցավորվում է ընդամենը 30 րոպեում:
Այն ընդամենը 6 րոպեում բավական քանակությամբ էներգիա է տալիս iPhone 6-ի ամբողջական լիցքավորման համար:
Lumopack-ը լիցքավորվում է սովորական USB-պորտի կամ ցանցային վարդակի միջոցով:
Մարտկոցն ունի ոչ մեծ ցիլինդրի տեսք, այն հեշտորեն տեղավորվում է պիջակի գրպանում կամ պայուսակում:
Lyte Systems-ը Kickstarter կայքում հավաքում է սարքի արտադրման համար անհրաժեշտ 50 հազար դոլարը:
Սարքը կարժենա մոտ 70 դոլար: