Ռեքսեմի 31-ամյա բնակչուհի Կլեր Կրոուզերսը 10 ամսում նիհարել է 38 կիլոգրամ` չցանկանալով գեր հարսնացուի տեսք ունենալ իր փեսացուի մոտ, գրել է The Daily Mail-ը:
Նա հայտնել է, որ սկսել է քաշ հավաքել արդեն բժշկական համալսարանից, իսկ մանկաբարձուհի աշխատելու ժամանակ իրադրությունն ավելի է վատացել: Իսկ երբ ունեցել է առաջին երեխային, էլ ավելի է գիրացել:
Նրա համար նիհարելու դրդապատճառ հանդիսացավ իր հասցեին արված անծանոթի անտակտ մեկնաբանությունը: Արդյունքում Կրոուզերսը իր փեսացուի հետ սկսեց հաճախել մարզադահլիճ:
Այժմ Կլերը անընդհատ տարբեր ֆիտնես ծրագրերի և ֆոտոսեսիաների մասնակցության հրավեր է ստանում:
Իրենց կենսակերպի հիմնովին փոփոխությունից հետո վերջապես նրանք ամուսնացան՝ միաժամանակ շարունակելով իրենց մարզումները և ճիշտ սննդակարգը: